Mga magpatigayon sa asukal gipasidan-an

ANG pangulo sa Sugar Regulatory Authority kon SRA seryoso gayud sa paggukod sa mga magpalabi og pagginansiya ug ni insister nga walay rason nga mosaka ang presyo sa asukal.

Matud pa ni Administrator Bernardo C. Trebol nga ang nasud aduna pay igong supply sa asukal ug nilalis nga ang naghinobrang pagsaka sa presyo sa asukar nagpasabot nga may mga magpapatigayon nga nagpalabi og pangganansiya.

Gibalik ni Trebol ang nahiunang pahayag sa SRA nga dakpon ug ikiha nila ang mga masakpan niini.

Gi hisgutan ni Trebol ang pag-abot sa 150,000 tonelada metrikang imported nga asukar ubos sa National Food Authority’s Tax Expenditure Subsidy ug ang dugang 100,000 tonelada metrika nga igo na sa panginahanglanon sa mga konsumedor sa nasud.

Ang maong importasyon gituyo sa pagtulay sa supply gikan karon hangtud na sa Nobyembre, diin magsugod ang panahon sa paggaling.

Sa sayo pa, ang SRA ni angkon nga adunay igong inventory sa mga warehouse ug ni insister nga kon adunay pagsaka sa presyo sa asukar, hinimo ra kini sa mga magpapatigayon nga nagpalabi og pangganansiya.

Source: BoholNewsDaily